അന്ത്യനിമിഷങ്ങളിലും പോക്കറ്റിലുണ്ടായിരുന്ന ഒരു തുണ്ട് കവിത

അന്ത്യനിമിഷങ്ങളിലും പോക്കറ്റിലുണ്ടായിരുന്ന ഒരു തുണ്ട് കവിത.

എല്ലാ അരാജകത്വങ്ങള്‍ക്കും നടവിലൂടെ നടക്കുമ്പോഴും കവിതയുടെ നൂല്
പൊട്ടാതെ സൂക്ഷിച്ച കവിയാണ് എ അയ്യപ്പന്‍. കവിയുടെ ശവശരീത്തിന്‍റെ
പോക്കറ്റിലുമുണ്ടായിരുന്നു ഒരു തുണ്ട് കവിത. അദ്ദേഹം ഒരു പക്ഷെ അവസാനമായി
കുറിച്ച അക്ഷരങ്ങള്‍… അതിങ്ങനെ..

അമ്പ് ഏത് നിമിഷത്തിലും മുതുകില്‍ തറയ്ക്കാം.
പ്രാണനും കൊണ്ട് ഓടുകയാണ്…

വേടന്‍റെ ക്രൂരത കഴിഞ്ഞു
റാന്തല്‍ വിളക്കിന് ചുറ്റും
എന്‍റെ രുചിയോര്‍ത്ത്
അഞ്ചെട്ടുപേര്‍
കൊതിയോടെ…

ഒരു മരവും മറ തന്നില്ല
ഒരു പാറയുടെ വാതില്‍ തുറന്ന്
ഈ ഗര്‍ജ്ജനം സ്വീകരിക്കൂ