എല്ലാം തിരിച്ചു തന്നിട്ടുണ്ട്,
നീ തന്നതിനേക്കാളുമേറെ......
എല്ലാം മറന്നിട്ടുമുണ്ട്,
ഓർത്തതിനേക്കാൾ
അധികമല്ലെങ്കിലും......
ഈ അക്ഷരങ്ങൾക്ക്
പറയുവാനേറെയുണ്ട്...
നീയും ഞാനും
തമ്മിൽ പറഞ്ഞതിനേക്കാളുമധികം......
എങ്കിലും...
ഇനിയും,
കോട പെയ്യുന്നൊരു രാത്രിയിൽ
ഇടവഴിയിലെ ഇലഞ്ഞിമരച്ചുവട്ടിൽ
എന്നെങ്കിലും
വീണ്ടും കണ്ടുമുട്ടേണ്ടി വരുമ്പോൾ
മുമ്പൊരിക്കലും കണ്ടുമുട്ടിയിട്ടില്ലാത്ത
രണ്ടുപേരാകും നമ്മൾ....!
No comments:
Post a Comment